Accessibility links

Breaking News

Teknoloji: Samsung Sanble Rezoud Pwoblèm Telefòn Paka Kenbe Chaj la nan Dènye Envansyon li a


Nouvo telefòn Samsung Galaxy Note 9 yo te prezante Brooklyn, New York, U.S.,

Dènye telefòn entèlijan Samsung nan montre klèman kòman gen yon ralantisman nan envansyon ti aparèy sa yo. Telefòn Samsung Galaxy 9 la kapab fè anpil tan rete ap fonksyone san li pa bezwen rechaje. Sepandan pandan telefòn sa ekipe ak tout yon seri nouvo aplikasyon, lap koute yon moun ki vle posede youn, 1000 dola ameriken pou pi piti. Samsung pa gen entansyon kreye yon nouvo telefòn chak ane men pito chak 2 ou 3 zan.

Sa vle di Samsung Galaxy Note 9 la pral fè yon bon ti bout tan sou mache a avan pou konpayi kreye Galaxy Note 10. Samsung Galaxy Note 8 te soti ane pase e li gen papasite pou kenbe chaj pandan tout yon jounen pandan wap itilize l.

Vit telefòn Galazy Note 9 la se yon bagay wololoy; li montre kòman konpayi Samsung travay di pou yo rive kreye dènye telefòn entèlijan si la.

Tout fwa, malgre ke pa gen twò gwo chanjman nan nouvo telefòn sila a, chèchè e analis teknik, Bob O'Donnell fè kwè Galaxy Note 9 la pral atire anpil moun ki gen telefòn entèlijan Samsung e ki pat janm chanje yo. Samsung Galaxy Note 9 la ap parèt sou mache a 24 out 2018 kap vini la.

XS
SM
MD
LG