Accessibility links

Robert Mueller, Nome Anketè Endepandan pou Kontinye Envestigasyon sou Dosye Espyonaj Larisi nan Eleksyon Amerikèn yo


Robert Mueller, se yon ansyen direktè FBI sou adminstrasyon Bush la. Prezidan Barack Obama te chwazi James Comey pou ranplase li nan pòs la. Foto: 13 jen 2013 pandan Mesye Mueller tap reponn kesyon Kongrè a.

Vis-minis justis Lèzetazuni an Rod Rosenstein nonmen sanzatann ansyen direktè FBI Robert Mueller kòm komisè espesyal pou mennen ankèt sou efò gouvènman Larisi a te fè pou enfliyanse eleksyon prezidansyèl amerikèn yo ki te dewoule nan mwa novanm 2016 pase a

Nominasyon Mesye Mueller nan fonksyon sa a pa vle di yo dekouvri ke moun ta komèt yon krim kelkonk, e ke yo ta dwe trennen yon akize devan lajistis, dapre sa numewo 2 depatman jistis ameriken an Rod rosenstrin, eksplike.

Anvan sa, Mesye Rosentein te eksprime dout sou nesesite pou ta gen genyen yon anketè endepandan sou envestigasyon kap fèt sou dosye Larisi a.

XS
SM
MD
LG