Yon òganizasyon nan vale Latibonit la ki se òganizasyon plantè Moro-pèy demanti enfòmasyon ki ta fè kwè se semans diri ki pote non Jasmie 85 Rice konpayi NATCOM distribye nan vale a ki ta atire rat kap detwi plantasyon peyizan yo.
Selon prezidan asosyasyon sa a, Fresnel Louis, yon pwodiktè diri nan vale a, avan prezans semans la nan vale a te gentan gen rat kap ravaje jaden yo.
Pou prèv, responsab asosyasyon an fè konnen li gen plis pase 3 kawo tè ki te gen ladan yo plantasyon diri "La crête" li tap pwodwi nan vale a rat yo pa epanye aloske li prezante bay laprès eksperyans li fè ak plantasyon diri yo.
Jasmine 85 la ki reyisi sou demi kawo tè ki nan lokalite Mowo-pèy ki tou kole ak Pon Sonde ki nan vale Latibonit la.
Prezidan APMP a kontinye pou di rat kap detwi diri nan vale a pa lye ak semans Jasmine 85 la men li kwè rat yo ogmante akoz kanpay deratizasyon ki te konn fèt chak 2 lane nan 8 komin nan vale a men ki pa.fèt depi plis pase 30 lane.