Accessibility links

Breaking News

Reyaksyon Sou Tansyon ant 2 Kore yo


Prezidan ameriken an, Barack Obama a, ak prezidan chinwa a, Hu Jintao, pale de tansyon k ap monte sou Preskil Kore a nan moman lame Kore di Sid ap tanmen ekzèsis ak gwo zam lou k ap dire 5 jou.

Se nan yon seri de egzèsis konsa Kore di Nò tap fè mwa pase a, ke lame li te lanse kèk kout mòtye ak lòt gwo obu sou yon zile nan Kore di Sid kote 4 moun te mouri. Laprès nan Lachin rapòte, nan yon konvèsasyon 2 prezidan yo te genyen nan telefòn --dimanch swa nan Washington e lendi maten nan Peken-- Misye Hu fè konnen sitiyasyon sa a ba li gwo preyokipasyon.

Medya yo site lidè chinwa a ki ta lanse apèl pou l mande tout pati konsène yo koute larezon e mete dlo nan diven yo. Isit Ozetazini, otorite yo di Prezidan Obama egzòte Prezidan Hu pou l voye yon mesaj klè bay Kore di Nò pou di li –nap site : « pwovokasyon l ap fè yo, pa akseptab. »

XS
SM
MD
LG