Accessibility links

Breaking News

Reyaksyon Prezidan Obama Sou Kriz la ann Ejipt


Prezidan ameriken an Barack Obama ak madam li Michelle Obama

Isit Ozetazini, Prezidan ameriken an, Barack Obama fè konnen l ap priye pou zak vyolans yo pran fen ann Ejipt, e pou yon jou miyò leve sou peyi sa a e sou lemond. Misye Obama pale konsa jedi 3 fevriye 2011 la nan yon jounen priyè ki dewoule chak ane isit Washington.

Misye Obama di: "Chak jou, pandan n ap mennen aktivite lavi nou adwat agoch, ---kit se nan Washington, kit se nan Holiwood, oubyen nenpòt ki kote ant 2 zòn sa yo-- nou dwe depase nivo sa yo e bese nou devan Pè Letènèl pou n sonje ke sila yo ki mete konfyans yo nan Leseyè, pral gen zèl tankou Lèg: yo va kouri e yo pap fatige, yo va mache sou yon long distans e yo pap tonbe endispoze."

Nan jounen priyè anyèl sa a te genyen, antwot, patisipasyon kèk manm kongrè a ak 32 minè chilyen ki te bloke anba tè pandan preske 2 mwa nan fen ane pase a. Moun ki te fè priyè final la, se ansyen astwonòt Mark Kelly, mari yon depite ameriken, Gabrielle Giffords, ki kouche lopital apre li te sibi atak yon moun ki te ouvè kout-zam sou li pandan li ta p rankontre kèk patizan n.

XS
SM
MD
LG