Accessibility links

Breaking News

Ayiti-Politik: Revokasyon Fèt nan Wo Nivo Gouvènman an


Prezidan Jovenel Moise fè premye gwo pase-men nan gouvènman n nan avèk revokasyon anviwon 16 pwòch kolaboratè ki te gen biwo yo nan Palè Nasyonal la; sa ki sanbe anonse yon chanjmannvitès nan fason l ap dirije peyi a. Se konsa li mete fen nan sèvis 10 konseye espesyal ak 6 konseye pou kèk pwojè ak domèn byen presi.

Nan yon arete ki parèt nan kòmansman jounen lendi 22 oktòb 2018 la, Prezidan Moyiz anonse nominasyon Nahomme Dorvil nan pòs direktè kabinè patikilye li nan plas Wilson Laleau ki revoke. Nan menm kout kat la, sitwayen Jean Hilbert Lebrun jwenn nominasyon li kòm Sekretè Jeneral Prezidans la nan plas Yves Germain Joseph. An plis de sa, arete a bay lis yon afè de 10 konseye espesyal ki pèdi pòs yo; se:

Ardouin Zéphirin, Guichard Doré, Christine Coupet Jacques, Liné Balthazar, Marie Esther Antoine, Reynold Georges, Enold Joseph, Gerd Pasquet, Jose Joseph Daniel ak Erns Excéus.

Anfen konseye sa yo jwenn revokasyon yo: Jean Renel Sanon, Everson Calixte, Guy Michel Vincent, Andris Riché, Georges Stanley Lucas avèk Lucien Jura.

XS
SM
MD
LG