Accessibility links

Breaking News

Rankont Diplomatik Nan La Avann ak Yon Prizonye Ameriken


La Avann nan Kiba (foto achiv)

Depatman Deta Ameriken fè konnen yon gwo responsab Etazini rankontre nan Kiba yon kontraktè ameriken ki te nan prizon depi mwa desanm 2009 anba akizasyon kòmkwa li t ap mennen aktivite espyonaj .

Pòpawòl Depatman Deta ameriken an P.J. Crowley deklare jedi 13 janvye 2011 la , gouvènman La Avann nan te bay Roberta Jacobson otorizasyon pou rankontre Alan Gross. Mesye Jacobson se Prensipal Asistan Sekretè Deta Ameriken pou afè oksidantal. Rankont sa a dewoule yon jou apre Jacobson te dirije yon delegasyon amerikèn ki t al fè chita-tande nan La Avann avèk responsab kiben yo sou kesyon imigrasyon.

Nan chita-tande avan yè mèkredi 12 janvye 2011 la, reprezantan Washington yo te soulve ka Gross la e reklame liberasyonn. Responsab La Avann yo bò kote pa yo di, Gross te anba ankèt poutèt li te vyole lwa peyi a e li te komèt krim lè li apiye sa otorite kibèn yo konsidere kòm aksyon « sibvèsiv », sa vle di manèv pou destabilize gouvènman an. Etazini rejte akizasyon kòmkwa Gross t ap fè espyonaj pou li.

XS
SM
MD
LG