Nan okazyon "Veteran Day" a (Jou Ansyen Konbatan yo), Prezidan Barack Obama, ki nan peyi Kore di Sid, rann omaj pou sòlda ameriken ki te pèdi lavi yo nan Lagè Kore a. Lidè ameriken -an di Etazini pap janm ezite devan angajman li pran pou l defann peyi Aziatik la. Lidè ameriken an fè konpliman tou pou 28 mil sòlda ameriken ki nan Kore di Sid kote "y ap travay pou pwoteje demokrasi".
Mesye Obama te rekonèt tou sòlda ameriken ki te batay e ki te pèdi lavi yo nan 3 zan lagè Koreyen an ki te kòmanse sa gen 60 tan lè Kore di Nò kominis la te anvayi Kore di Sid.