Accessibility links

Prezidan Michel Martelly Prezante yon Bilan Pozitif pou Vwayaj li nan Caracas

  • VOA Nouvèl

Prezidan Michel Martelly retounen ann Ayiti dimanch 4 desanm 2011 la, aprè li te patisipe nan « Somè Peyi Latino-Ameriken ak Karayib yo » nan Caracas, kapital Venezuela.

Imedyatman apre Misye Martelly te debake nan ayewopò entènasyonal Pòtoprens la, li bay yon konferans pou laprès kote li prezante bilan patisipasyon li nan somè sa a e li fè kèk anons konsènan avni imedya relasyon Ayiti ak lòt peyi nan rejyon an ki te gen reprezantan yo nan rankont Caracas la.

Pa ekzanp, gouvènman kèk peyi, tankou Kolonbi ak Ekwatè, pwomèt pou yo ranfòse kowoperasyon yo ak Ayiti nan domèn sekirite a, tandiske Chili pwomèt pou l konstwi plizyè dizèn lekòl pou ranplase sila yo ki te kraze nan tranblemanntè 12 janvye 2010 la.

Pami lòt anons Prezidan Martelly fè, li di delegasyon li te dirije a pwopoze pou lidè rejyonal yo patisipe nan sa li rele «Yon Jounen Entènasyonal Peyi Latino-Ameriken ak Karayib yo » ki ta dewoule nan vil Jakmèl, nan sidès Ayiti, nan mwa mas 2013.

Klike sou lyen ki nan kòmansman atik la pou w koute repòtaj Clarens Renois sou konferans pou laprès Prezidan Martelly a avek reyaksyon Senatè Jocelerme Privert, yon manm delegasyon Ayiti a nan Somè Caracas la.

XS
SM
MD
LG