Accessibility links

Prezidan Michel Martelly Egzòte Ayisyen Fè Tèt Ansanm Pou Fè Fas ak Defi Ki Devan Peyi a


Haiti's First Lady Champions Social Causes
Prezidan ayisyen an, Michel Martelly, lanse apèl pou mande tout sektè nan peyi a mete sou kote sa ki divize yo e mete tèt yo ansanm pou kontre menas k ap peze sou nasyon an.
Msye Martelly, ki tap pale nan vil Gonayiv nan okazyon 210zièm anivèsè endepandans Ayiti (1er janvye 1804) deklare "gen anpil gwo defi devan nasyon ayisyèn", tankou chomaj, ensekirite, grangou, inyorans, mizè, mank swen sante, elatriye.

Chèf l’Eta ayisyen an bat bravo pou gouvènman li an li di ki koumanse tabli baz pou mete enstitisyon fò moun ka fè konfyans e ki respekte règ jwèt politik la. Misye Martelly deklare "epòk kounye a ka diferan ak peryòd lagè endepandans lan, men defi yo malouk menm jan an.

Prezidan Martelly envite tou sitwayen ayisyen, kèlkeswa kote y ap viv, kole tèt ansanm menm jan zansèt yo te fè’l pandan lagè endepandans lan, pou mete Ayiti sou 2 pye ‘l

Omwen 2 ansyen prezidan, sou 8 gouvènman an te envite nan Gonayiv nan seremoni komemorasyon 210 zyèm anivèsè fondasyon Leta ayisyen an, te reponn prezan: Jean Claude Duvalier ak ansyen jeneral-prezidan, Prosper Avril.

Fè yon klik sou ikòn "audio" ki agoch anba atik sa a pou koute yon mòso nan mesaj prezidan ayisyen an, Michel J. Martelly.
XS
SM
MD
LG