Accessibility links

Breaking News

Prezidan Martelly Mande yon Semèn Priyè ann Ayiti


Prezidan ayitsyen an Michel Martelly

Prezidan ayisyen an, Michel Joseph Martelly, mande premye-minis li, Dr. Garry Conille, fòme yon komisyon endepandan pou ankete sou konfli ki opoze palman ak pouvwa nan kad arestasyon depite Arnèl Belizaire.

Chèf leta a, ki bay yon konferans pou laprès nan ayeropò entènasyonal Pòtoprens apre l te soti Miami di li anfavè dyalòg, chita pale ak palmantè yo pou yon ko-abitasyon pasifik nan mitan twa pouvwa yo.

Mesye Martelly fè konnen revokasyon ak chanjman minis nan gouvènman an pap yon bon solisyon nan kriz la. Chèf leta a te pale de pwogrè k ap fèt nan divès domèn nan peyi a .Li di li konprann atitid palmantè yo.

Sepandan, li ajoute, se nan tèt frèt, nan tèt klè yo kapab jwenn solisyon pou mezantant yo. Prezidan Martelly envite tout legliz nan peyi a priye pou lapè, pou dirijan yo, pou Ayiti.

XS
SM
MD
LG