Prezidan Jovenel Moise twouve l nan Miami, Eta Florid kote li rive nan kòmansman jounen jedi 15 jen 2017 la. Lidè ayisyen an pral patisipe nan yon konferans Haitian-American Chamber of Commerce of Miami --Chanm Komès Ayisyen-Ameriken an nan Miami-- ap òganize.
Pandan premye jou vizit li a nan Miami, Prezidan Moise chita pale ak kèk gwo otorite wo plase nan Administrasyon Trump la, tankou Vis Prezidan Mike Pence, Sekretè Deta Rex Tillerson ak Sekretè Sekirite Teritoryal Ameriken an, John Kelly. Rankont Mesye Moise ak ofisyèl ameriken yo te dewoule vè 4:00 aprè midi, nan Florida International University.
Anvwaye espesyal Lavwadlamerik Serge Michel ak Nazon Beaulière, ki sou plas nan Miami, pare pou pote plis enfòmasyon sou rankont sa a pou oditè Lavwadlamerik.
Klike sou lyen odyo a pou suiv yon repòtaj Pierre Nazon Beaulière depi Miami.
