Prezidan iranyen an, Mahmoud Ahmadinejad deklare grand’ puisans mondyal yo ta dwe sispann fè presyon sou peyi li ak sanksyon yo vle pran kont Iran akoz pwogram nikleyè l la. Iran ta dwe fè yon reyinyon sou dosye a mwa pwochen an avèk reprezantan 6 peyi: Etazini, La Grand Bretay, Lachin, Larisi ak Lalmay.
Pandan misye Ahmadinejad t ap pale ak laprès nan vil Baku, kapital Azerbaijan, li fè konnen sanksyon pap gen okenn move konsekans sou volonte ni pèp iranyen an, ni gouvènman peyi a pou yo patisipe nan negosyasyon entènasyonal.
Yon plan ki poko definitif prevwa pou Iran fè negosyasyon mwa pwochen an avèk 6 puisans mondyal (pami yo genyen Larusi, Lèzetazuni, Lachin, Lalmay,Lafrans ak La Grand Bretay). 2 pati yo poko antann yo sou kesyon pou konnen ki kote negosyasyon yo pral dewoule, ni ki pwoblèm yo dwe abòde konsènan pwogram nikleyè iranyen an.