Prezidan Hugo Chavez fè konnen yon doktè li t ap swiv e ki te di li gen sèlman 2 zan pou l viv, pat janm trete l vrèman.
Prezidan venezuelyen an di doktè Salvador Navarrete sanble te resevwa lajan pou l fè yon deklarasyon konsa e li konsidere doktè a kòm yon « mantè ».
Mesye Chavez ajoute, Misye Navarrete pat janm fè yon tès sou li. Vrèmanvre, pi bonè nan mwa sa a, Doktè Navarrete te di magazinn meksiken «Milenio » Prezidan Chavez t ap soufri ak yon kansè « tip agresif » -donk yon kansè ki pa ka geri.
Doktè a fè konnen li te oblije kouri kite Venezuela apre deklarasyon n nan te parèt nan laprès. 20 oktòb pase a, Prezidan Chavez te di li pa gen kansè ankò.