Accessibility links

Prezidan Fon Monetè Entènasyonal la nan Prizon nan Nouyòk

  • VOA Nouvèl

Prezidan Fon Monetè Entènasyonal-la, Dominique Strauss-Kahn konparèt nan yon tribunal penal nan Manhattan nan Nouyok

Nan Nouyòk, yon jij refize libere sou kosyon prezidan Fon Monetè Entènasyonal la, ekonomis Dominique Strauss-Kahn, ki anba akizasyon deske li te fè yon atak seksyèl sou yon dam-menajè nan yon otèl nan Nouyòk.

Jij la pran desizyon an lendi 16 me a aprè misye Strauss-Khan ki te parèt trè fatige-- te konparèt devan yon tribinal nan Manhattan pou l te tande akizasyon k ap peze sou do li.

Majistra a pran desizyon an paske li panse gen risk pou misye Strauss-Kahn sove, alòske li byen konnen Lafrans se yon peyi kote otorite yo pa ekstrade sitwayen yo ki gen pwoblèm ak lajistis yon lòt peyi a.

Avoka k ap defann prezidan Fon Monetè Entènasyonal la fè konnen kliyan yo a pa koupab. Pwochen jou pou misye Strauss-Khan prezante nan tribinal ankò se vandredi 20 me ap vini la a.

Ann atandan, otorite yo fè konnen yo kenbe l nan prizon nan yon selil pou yon sèl moun sou Zile Rikers, nan Nouyòk. Si lajistis jwenn li koupab, li kapab pran yon sanstans jiska 25 kan prizon.

XS
SM
MD
LG