Prezidan venezuelyen an, Hugo Chavez, sèmante li pral ranpòte eleksyon mwa Oktòb la, nan premye deklarasyon piblik li fè apre operasyon li sibi nan Kiba semèn sa a pou retire yon timè nan rejyon pèvis li.
Yè apremidi, misye Chaze te voye yon mesaj sou Tittwè bay pèp venzuelyen an pou l di «mwen voye tout lanmou mwen pou nou. Nou pral viv e nou pral ranpòte eleksyon an »
Vis-prezidan Elia Jaua, di li te pale ak prezidan Chavez mèkredi e li dekri lidè venezuelyen an kòm yon moun « k ap repran kò li, e ki plen enèji ».
Misye Jaua di doktè kiben yo te retire yon lezyon nan kò prezidan Chavez ak kè moso chè ki te alantou lezyon an. Rezilta tès ya p fè sou moso chè yo dwe sòti nan jou k ap vinn la yo.
Nouvo pwoblèm sante misye Chavez yo lakòz moun ap poze kesyon pou konnen eske li genyen kapasite pou l al chèche yon 3zyèm manda e dirije gouvènman an.