Accessibility links

Breaking News

Prezidan Barack Obama voye nan Kongrè a Plan 447 milya dola a


Prezidan Barack Obama voye nan Kongrè a Plan 447 milya dola a

Prezidan ameriken an, Barack Obama, egzòte kongrè a pou l vote pwopozisyon 447 milya dola li anonse , sa pa gen lontan la a --- yon pwopozisyon ki vize kreye djòb epi anpeche pi gwo ekononomi mondyal la, kidonk Lèzetazini, tonbe nan yon nouvo resesyon.

Prezidan Obama voye lwa a nan kongrè a lendi 12 septanm nan kote l mande palmantè yo pou yo ratifye l imedyatman lè li presize , plan sa a kapab kreye travay e redwi defisi a . Pandan prezidan an t ap pale lendi 12 seoptanm nan nan Lamezon Blanch, li montre kapasite Lèzetazini genyen pou l solisyone kriz peyi a ap travèse a .

Li ajoute:

“Gen kèk evènman nou pa an mezi pou n kontwole, men pwopozisyon sa a, se yon bagay nou kapab kontwole. Kit nou pase lwa sa a oubyen nou pa pase l, soluisyone pwoblèm nan, se yon bagay nou ka kontwole. Nou tande anpil moun kap pale sou ensètitud ki egziste nan ekonomi amerikèn nan, se yon ensètitid ke nou gen kapasite pou n evite"

Prezidan bidjè Lamezon Blanch la, Jacob Lew founi detay sou plan an nan men jounen lendi 12 septanm nan . Mesye Lew di plan an gen ladann pwopozisyon pou kolekte 400 milyad dola gras ak ogmantasyon taks sou moun ki pi rich yo.

Prezidan an di l ap pwopoze tou yon plan pou redwi defisi a. Bò kote pal prezidan Chanm depite a , repibliken John Boehner deklare li espere travay ak prezidan an pou fè ameriken yo retounen travay , men li ajoute, ide prezidan merite yon egzamen ki pou fèt ak anpil prekosyon.

XS
SM
MD
LG