Accessibility links

Prezidan Barack Obama pral Prezante Mesaj li sou Eta Inyon an Madi Swa Devan 2 Chanm Kongrè a Reyini

  • VOA Nouvèl

Prezidan Barack Obama pral Prezante Mesaj li sou Eta Inyon an Madi Swa Devan 2 Chanm Kongrè a Reyini

Prezidan Barack Obama pral prezante pwòp vizyon pa l sou eta ekonomi amerikèn nan lè l ap mete mesaj li sou Eta Inyon an devan 2 chanm kongrè a reyini madi swa nan Washington.

Nan yon mesaj-videyo misye Obama pibliye pou patizan n yo kèk jou anvan li prezante devan depite yo ak senate yo, li deklare li pral bay detay sou yon plan relans ekonomik ki prepare yon jan pou l ale byen lwen e dire lontan; plan sa a ap gen ladan n kèk pwopozisyon tou nèf sou fabrikasyon pwodui ameriken, sou enèji ki pwòp ak edikasyon.

Daprè sa prezidan Obama di, sa pral pote benefis pou klas mwayèn nan. Lidè ameriken an pral sèvi ak mesaj sou Eta Inyon an (3èm mesaj konsa l ap prezante depi li te monte sou pouvwa a) kòm yon plan pou kanpay elektoral l ap mennen pou re-eleksyon n nan mwa novanm 2012.

Li pral ensiste sou diferans ki egziste ant li menm ak kandida pati opozisyon an, pati repibiken an.

XS
SM
MD
LG