Prezidan afgan an, Hamid Karzai, kondane yon atak fòs Oganizasyon Trete Atlantik Nò (l’Otan) yo li di di ki touye 8 timoun nan lès peyi li.
Misye Karzai reklame yon ankèt sou atak koalisyon an lanse mèkredi 8 fevriye a sou rejyon Nejrab, nan pwovens Kapisa .
Lidè afgan an deziye yon delegasyon pou al mennen ankèt sou bonbadman l’Otan an e li prezante kondoleyans li bay fanmi viktim yo.
Ajans Frans Près site yon pòtpawòl Oganizasyon Trete Atlantik Nò a ki senpleman konfime genyen yon ekip konjwen yo voye sou sit ensidan an pou ankete sou sitiyasyon an.