Accessibility links

Breaking News

Prezans Premye Minis Ariel Henry nan Gonayiv lakòz yon moun mouri ak 2 lòt blese


Haitian Prime Minister Ariel Henry speaks during the new cabinet inauguration at the Prime Minister's residence in Port-au-Prince on November 24, 2021.

Selebrasyon 218è anivèsè endepandans la ak prezans premye minis Ariel Henry nan Gonayiv lakoz yon moun mouri ak 2 lòt blese pa bal samdi premye janvye 2022 a.

Malgré opozisyon yon gwoup nèg ame, premye minis ayisyen an doktè Ariel Henry ak manb kabinè li te fé deplasman pou ale nan site endepandans la kote yo te jwenn chans patisipe selman nan mès tradisyonel la ki te dewoule nan katedral Gonayiv la anba tansyon kout zam ki tap chante.

Se te yon mès espesyal ki te dewoule nan yon katedral kite preske vid malgre gwo dispositif sekirite plizyè dizèn ajan espesyalize nan PNH la ki te vizib anndan kou deyò katedral la.

Apa selman premye minis la ak yon 30tèn lòt ofisyèl manb kabinè li ak selebran yo tankou Evèk latibonit la, Monseyè Yves Marie Péan ki te prezan nan seremoni relijyez sa a ak kek otorite lokal nou pat remake prezans fidèl legliz katolik yo ki pat fè deplasman akoz sitou tansyon ki te genyen nan sant vil la depi aprè atak neg ak zam te fè a 2 repriz sou Stand ofisyel la ki te an konstriksyon.

Pandan dewoulman mès la VOAKreyol te remake preske tout pòt katedral la fèmen eksepte pòt prensipal legliz la ki te ouvè pandan yon anpil ajan PNH te okipe antre prensipal la.

Aprè sèvis la ki te dewoule anba lapli bal ki tap chante,
PM Ariel Henry ki te dwe ale sou Stand ofisyèl sou plas dam nan pou pwononse diskou sikonstans la, li te oblije tounen nan kapital la akoz bri kout zam ki te kontinye ap chante kote sivil ame tap tire ak la polis ki tap riposte.

Se nan moman sa a Yves Diogène yon jèn gason ki gen 45 lane resevwa yon bal pandan li tap travèse zòn madan Kolo , yon moniman istorik ki nan zòn plas dam Gonayiv la.

XS
SM
MD
LG