Accessibility links

Kèk Palmantè Di li Enpòtan pou Donald Trump Junior Vin Fè Depozisyon Devan Kongrè a sou Dosye Larisi a

  • Ekip Sèvis Kreyòl VOA

Premye pitit gason Prezidan ameriken an, Donald Trump Junior. Foto: 16 novanm 2016, New York.

Donald Trump Junior, premye pitit gason Prezidan Trump la ak Jared Kushner, bofis li a twouve yo nan rada kèk palmantè ki panse yo ta dwe vin temwaye sou espyonaj ris yo nan dènye eleksyon prezidansyèl amerikèn nan.

Kèk palmantè ameriken enpòtan kap mennen ankèt sou enjerans Larisi nan eleksyon prezidansyèl novanm 2016 pase a isit Ozetazini eksprime volonte pou Donald Trump Junior vin bay depozisyon nan Kongrè a konsènan rankont li te genyen nan Trump Tower nan vil New York ak yon avoka ris.

Avoka ris la ta pwomèt Donald Trump Junior enfòmasyon ki te kapab koze gwo domaj sou kanpay rival demokrat papa li a, an palan de ansyen sekretè deta a sou premye manda prezidan Barack Obama a, Hillary Clinton.

Lidè minorite a nan Chanm Reprezantan yo, Demokrat, Nancy Pelosi.
Lidè minorite a nan Chanm Reprezantan yo, Demokrat, Nancy Pelosi.

Lidè minorite nan Chanm dè Reprezantan Lèzetazini an, Depite Demokrat Nancy Pelosi fè konnen revelasyon komkwa manm ekip kanpay Trump la tap debouye yo kou mèt Jan Jak pou pote kole ak Larisi, se yon revelasyon ki twoublan anpil anpil.

Anplis Donald Trump Junior, moun atann yo aske bofis prezidan an, Jared Kushner prezante devan Kongrè a nan yon seyans pòt fèmen pou vin bay depozisyon pal tou sou dosye enplikasyon Larisi nan eleksyon novanm pase yo.

XS
SM
MD
LG