Accessibility links

Breaking News

Izrayèl Paka tann pou Desitire Pwogram Nikleyè Iran an


Premye minis Izrayelyen an, Benjamin Netanyahu

Premye minis Izrayelyen an, Benjamin Netanyahu di peyi li a pa ka tann pi lontan ankò pou diplomasi ak sanksyon bay rezilta pou desitire pwogram nikleyè Iran an.

Pandan premye minis izrayelyen an t ap pale devan yon odyans nan Washington, li kesyone le fèt ke Iran fè konprann pwogram ni an fèt pou pwodwi enèji ak isotop medikal.

Benjamin Netanyahu di: "Nou tann pou diplomasi travay, nou tann pou sanksyon travay , pa gen okenn nan nou ki ka tann pi lontan ankò. Kòm premye minis Izrayèl mwen pa pral janm kite pèp mwen an viv nan lonbraj jiskaske yo detwi l."

Teheran demanti nouvèl ki fè konnen l ap pousuiv yon pwogram zam nikleyè e li di anbisyon nikleyè li yo se pou rezon pasifik. Prezidan Obama deklare toujou gen yon fenèt pou rezoud mezantant nikleyè Iran an diplomatikman –yon aboutisman ni li mènm, ni premye minis Netanyahu prefere. Men prezidan an repete pozisyonn ke opsyon militè yo toujou sou tab pou fè Iran sispann chache fabrike zam nikleyè.

XS
SM
MD
LG