Accessibility links

Washington Voye 10 Mil Moun Kore Efò pou Pote Ed bay Pòtoriko

  • Ekip Sèvis Kreyòl VOA

Moun ki nan liyn pou yo kite Pòtoriko nan yon bato kwazyè apre pasaj Siklòn Maria. (San Juan, Pòtoriko, 28 septanm 2017).

Otorite yo nan La Mezon Blanch yo fè konnen yon fòs federal 10 mil moun --pami yo ap gen 7 mil solda-- ap patisipe nan efò pou wete Pòtoriko anba devastasyon sSiklòn Maria kite dèyè sou il la. Bato lamarin de gè Lèzetazini "The USS Comfort", yon bato lopital ki gen mil kabann e ki baze nan Eta Vijini, pran direksyon Pòtoriko vandredi 29 septanm 2017 la.

Konseye Depatman Sekirite Teritorial, Tom Bossert, di kounye a 44 lopital sou yon total 69 ap fonksyone nan il la. Pandansetan Depatman Defans la nonmen Lyetnan Jeneral Jeffrey Buchanan pou dirije tout efò sekou lame amerikèn ap fè sou teritwa a.

Prezidan Donald Trump ki tap pale ak manm Asosyasyon Nasyonal Manifaktirye yon Otèl Mandarin Oriental, nan dat 29 septanm 2017 la, nan Washington, kote li anonse plis èd pral jwenn Pòtoriko.
Prezidan Donald Trump ki tap pale ak manm Asosyasyon Nasyonal Manifaktirye yon Otèl Mandarin Oriental, nan dat 29 septanm 2017 la, nan Washington, kote li anonse plis èd pral jwenn Pòtoriko.

Bò kote pa li, Prezidan Donald Trump deklare otorite yo ap travay san pran souf pou yo pote soulajman bay Pòtoriken yo. Prezidan Trump di:

Nou pap kanpe toutotan moun Pòtoriko yo pa an sekirite ... Yo se yon pakèt bon moun. Nou vle pou yo sen-e-sòf e an sekirite. Se objektif nou e nap la avèk yo chak jou jiskaske nou reyalize objektif sa a.”

Prezidan Trump anonse li pral vizite Pòtoriko madi pwochen, swa 2 semèn apre tèritwa ameriken sa a te sibi gwo devastasyon anba Siklòn Maria.

XS
SM
MD
LG