Nouvo sekretè deta ameriken an, Mike Pompeo pibliye yon kominike sou 25èm anivèsè rapò sou aktivite laprès la pou di, nou renouvle angajman pou nou pwoteje epi fè pwomosyon pou yon près li, ki se potokwen esansyèl nan yon demokrasi.
Mesye Pompeo kontinye pou l di : Etazini bay Libète Laprès anpil enpòtans, paske li jwe wòl yon gwo wòl nan yon gouvènans demokratik. Lè nou ankouraje yon près lib, sa pèmèt sitwayen yo pi byen enfòme epi jwe yon pi gwo patisyon nan priz desizyon politik peyi a, yon fason pou fè gouvènman pran responsablite pou aksyon lo poze.
Pandans tan, plizyè organizasyon kap defann jounalis pwofite okazyon nan pou atire atansyon moun sou pwoblèm travayè laprès yo ap konfwonte isit Ozetazuni. Rapò a site yon gwo kantite menas jounalis ameriken sibi, pami yo zak pèsekisyon kont moun kap mete verite nan lari, restriksyon gouvènman a mete sou enfòmasyon piblik, etikèt politisyen ap kole sou do jounalis, san bliye atak fizik ak arestasyon arbitrè.