Accessibility links

Breaking News

Plis Vyolans nan Afganistan


Moun k ap pote kò youn nan viktim atak yon bonm ki te arebò yon wout nan pwovens Herat, 20 pasaje yon otobis pèdi lavi yo byen bonè jedi 18 out 2011

Otorite yo nan Afganistan fè konnen omwen 20 pasaje yon otobis pèdi lavi yo byen bonè jedi 18 out 2011 la aprè machin nan t al monte sou yon bonm ki te arebò yon wout nan pwovens Herat, nan pati lwès peyi a.

Daprè menm sous la, pami viktim yo genyen fanm ak timoun e atak la lakoz 12 lòt sivil pou pi piti blese. Yon pòtpawòl afgan an fè konnen eksplozyon yon lòt bonm menm kalite, nan menm pwovens la, blese 4 moun gravman nan matine jounen jedi a.

Yon lòt kote, otorite afgan yo di yon kamyon pyeje eksploze tou prè yon baz militè ki anba kontwòl lame amerikèn nan pati lès peyi a. Bilan: 2 gad sekirite afgan mouri e anpil lòt blese.

XS
SM
MD
LG