Accessibility links

Breaking News

Plis pase 100 Ayisyen Abandone nan Guatemala


Migran sa yo tap vwayaje nan direksyon Etazuni andedan yon gwo kamyon anvan otorite Guatemala te dekouvri yo. (Foto: Polis Nasyonal Sivil Guatemala)

Te gen 126 migran. Yo tap rele byen fo depi andan yon gwo kamyon transpo e se sa ki te soulve atansyon Polis Nasyonal Sivil Guatemala a ki vinn sove yo.

Yon coyote - setadi trafikan moun ki tap transpote yo - deside abandone yo sou yon wout nan sid peyi Guatemala dapre yon rapo lapolis pibliye.

Gwoup la te resevwa asistans umanite epi apre sa yo transpote yo nan abri Enstitu Guatemala Migrasyon. Pi ta yo te ekspulse yo sou frontye kote yo te antre Guatemala.

Alejandra Mena, pot pwol Enstitu Guatemaltek Migrasyon di VOA yo ekspulse moun yo dapre lwa migratwa Guatemala. Peyi a kowodone operasyon an ak otorite Onduras ki se peyi kote yo te travese frontye a - pi presizeman nan pos frontye el Florido a.

Plis pase 100 migran sete Ayisyen.

Madan Mena di yo jwenn pi fo moun yo te soti Ayiti, Brezil ak Chili - men te gen tou sak soti Nepal ak Ghana ki te chankre Guatemala yon fason iregulye e se pou sa yo ekspulse yo.

Sityasyon migrasyon ilegal la soulve gwo ke sote bo kote Casa Del Migrante ki atann ni aske yon paket Ayisyen travese teritwa Guatemaltek la sou wout pou y'al Ozetazuni nan jou kap vinn la yo.

Jahir Dabroy yon analis sou kestyon migrasyon pou ASIES, deklare " fok nou komanse refleshi sou kijan leta ka fe fas ak migrasyon sa a paske migran yo pa neseseman vle rete nan peyi nou men fok fos sekirite yo prete atansyon a sakap pase e vini ak pwotokol ke yo ka aktive e pa egzanp pataje ak Enstitu Nasyonal Migrasyon an."

An plis de sa, gen kondisyon inumen migran yo konfronte pandan vwayaj la.

Misye Dabroy di pandan yap patisipe nan yon aktivite ilegal, kondisyon trafikan yo ofri yo "malpouwont epi kontre ak tout santiman umen."

Otorite migrasyon yo konfime ke te gen 10 timoun pami gwoup yo arete a.

Jounalis VOA Spanish, Eugenia Sagastume nan peyi Guatemala ekri vesyon orijinal repotaj sa a

Facebook Forum

XS
SM
MD
LG