Accessibility links

Plis Ed Pou Pakistan Aprè Apèl L'ONU Te Lanse Semèn Pase a

  • J. Lyonel Desmarattes

Òganizasyon charite islamik yo --genyen ladan yo moun sispèk ki ta nan konnivans ak gwoup militan yo-- pase a laksyon rapidman pou yo pote sekou bay pakistanè yo ki te déjà pa kontan ak lidè yo pou jan sitiyasyon sekirite a ye nan peyi a, mete sou lamizè ak blakout ki genyen detanzantan.

Pou sa ki gen rapò ak sitiyasyon innondasyon yo kreye a, nap raple Òganizasyon Nasyonzini te lanse apèl pou l mande preske 460 milyon dola pou Pakistan ka fè fas ak bezwen ijan viktim yo pandan 3 mwa k ap vini la yo.

O kòmansman repons apèl sa a te jwenn pat rapid. Sepandan minis afè etranjè pakistanè a, Shah Mehmood Quresh, pale ak laprès nan Islamabad pou l di yon sesyon espesyal Asanble Jeneral l’ONU an te òganize semèn pase a sou nesesite peyi a ke inondasyon fin ravaje, debouche sou yon ogmantasyon èd entènasyonal la --yon ogmantasyon ki bay ankourajman.

Misye Kuresh di: "Lajan yo pran angajman pou bay la monte rive 490 MILYON dola. Sa vle di nou depase valè lajan (460 milyon) l’ONU te mande a. Epi genyen plis angajman moun ap pran toujou. Si nou mete 2 chif sa yo ansanm, sa ba ou yon sòm de 815 milyon 58 mil dola. Sa preske double chif nou t ap espere a."

Chèf diplomasi pakistanèz la defann desizyon gouvènman n nan pran pou l aksepte yon asistans 5 milyon dola nan men Lend, yon peyi rival ---2 peyi yo te fè lagè 3 fwa.

Minis Quresh deklare: “Ann reyalis ak bagay yo. Nan nan yon moman kote nap lanse apèl bay lemond antye pou l ede Pakistan sove lavi moun: timoun, fanm, pakistanè ki twouve yo anba menas kolera akoz maladi moun ka trape nan move dlo. Lemond sòti pou l ede Pakistan, e Lend ofri asistans li. Donk mwen panse se yon jès pozitif ; nou pa ta dwe genyen okenn remò ni regrè pou n asksepte l. Se yon kesyon de vi ki poze la; yon kesyon de asistans imanitè. Alos, mezanmi, ann mete politik de kote.”

Deklarasyon minis afè etranjè pakistan a, Shah Mehmood Quresh, ki t ap pale ak laprès nan Islamabad. Lendi 23 out la ofisyèl pakistanè genyen pou yo tanmen negosyasyon ak Fon Monetè Entènasyonal isit Washington, pou wè si l va adousi kondisyon yon prè-lajan 10 Milya dola peyi a te aksepte resevwa nan men li an 2008. Se gwo fado ekonomik innondasyon yo vin lage sou do Pakistan, ki pouse otorite yo chache soulajman sa a sou kesyon prè a.

XS
SM
MD
LG