Accessibility links

Breaking News

Ozetazini, Lidè Repibliken yo Divize Sou yon 2èm Pwogram Èd pou Chomè yo ak Biznis Ki Viktim Anba KOVID-19 la


Prezidan Donald Trump, Lidè Majorite a nan Sena a Mitch McConnell, ak lidè minorite a nan Chanm Depite a, Kevin McCarthy,ki tap koute Minsi Trezò a, Steven Mnuchin nan yon ranont nan Biwo Oval la nan La Mezon Blanch, lendi 20 jiyè 2020. (Foto: AP/Evan Vucci).

Montan lajan k ap nesesè pou pwochen program asistans ekonomik gouvènman Lèzetazini an ap prepare pou ede sitwayen ameriken Pandemi KOVID-19la lage nan chomaj epi ede biznis yo rekanpe sou 2 pye yo, kapab depase rapidman yon trilyon dola (swa mil milya dola) nan moman otorite yo nan La Mezon Blanch ap negesye ak Kongrè a sou yon nouvo plan asistans k ap ofri lajan pou ede lekòl yo relouvri pòt yo, relanse aktivite ti biznis yo, ranfòse pwogram ki ofri tès kont kowonaviris epi pèmèt ameriken yo jwenn lajan pou yo viv nan yon moman kote viris KOVID-19 la kontinye fè plis dega nan peyi.

Lidè majorite a nan Sena a, Mitch McConnel, ki t ap abòde dosye a nan jounen madi 21 jiyè a, pwomèt yon nouvo distribisyon lajan pou anplwaye ki pa t ap touche gwo lajan yo, swa yon salè ki ta egal ak mil 200 dola gouvènman an ap voye bay chomè yo depi kòmansman prentan an.

Bò kote pa l, Prezidan Trump ensiste sou yon plan ki ta elimine taks pou anplwaye yo; epi gen lidè demokrat yo nan Kongrè a ki ta renmen wè gouvènman federal la dekese plizyè milya dola pou ekipe e repare lekòl yo, epi remanbre bidjè gouvènman lokal yo ki pa antre lajan kòmsadwa akoz pandemi kowonaviris la.

XS
SM
MD
LG