Otorite komisyon elektoral la nan Tinizi ap konte bilten apre peyi a fin òganize premye eleksyon demokratik li aprè revolisyon ki te deklanche sa yo rele “Prentan Arab la”, swa seri mouvman leve-kanpe ki pran pye nan divès peyi nan Afrik di Nò ak Mwayen Oryan an.
Rezilta ofisyèl definitive yo pap parèt pa zavan fen jounen lendi a oubyen demen madi a. Elektè tinizyen yo te genyen pou yo vote pou yo chwazi 217 manm yon asanble konstitiyant ki pral travay pou ekri yon manman-lwa tou nèf pou peyi a.