Accessibility links

Breaking News

Komisè Gouvènman Pòtoprens la Mande Bloke Kont Bankè Plizyè Antrepriz ki Enplike nan Dosye Petro Caribe a


Ansèy manifestan yo mete nan lari pou mande kote kòb Petro Caribe a.

Komisè gouvènman Pòtoprens la, Mèt Ocname Clame Dameus, mande enstitisyon bankè peyi a pou bloke kont an bank plis pase 30 antrepriz ki te siyen kontra ak leta ayisyen nan kad pwogram Petro Caribe a.

3 nan antrepriz sa yo se pou dominiken. Desizyon sa a pran nan moman manm sosyete sivil la ak pati politik nan opozisyon an ap mete presyon sou pouvwa santral la pou l mennen ankèt sou fason gouvènman pase yo te depanse 3 milya 800 milyon dola Venezuela prete Ayiti atravè pwogram Fon Petro Karibe a.

Pandan wikenn pase a, yon gwoup nan opozisyon ki gen alatèt li ansyen senatè e kandida alaprezidans Moïse Jean Charles te òganize yon manifestasyonn nan vil Okap pou mande limyè sou fon Petro Caribe a ak tout demisyon prezidan repiblik la Jovenel Moïse.

Sepandan, chèf leta a nan seremoni inogirasyon nouvo premye minis gouvènman li an Jean Henry Céant pase enstriksyon pou limyè fèt sou dosye Petro Caribe a. Sou menm dosye sa a, plizyè wo fonksyonè pwòch pouvwa te jwenn revokasyon yo akoz enplikasyon yo nan dosye Petro Caribe a.

XS
SM
MD
LG