Avoka Pati Sivil yo reyaji sou envitasyon Komisè Gouvènman Pakè Tribinal Sivil premye enstans Pòtoprens lan, Mét Occnam Clamé Dameus fè ak plizyè ansyen minis ak kèk antreprenè sou sa ki gen pou wè ak dosye fon Petro Caribe a.
Nan kòmansman semèn nan, Prezidan Jovenel Moise revoke 16 manm nan kabinè li nan kad ankèt sou itilizasyon lajan sila a. Mèt Andre Michel, yon avoka e opozan fawouch pouvwa an plas la di nan laprès, yo pa mande gouvènman an djòb ak revoke moun pou yo. Li ajoute pou l di se nan prizon moun koupab yo nan dosye sa dwe ale.
Pandan Prezidan Jovenel Moise te nan Machan Desalin nan kad komemorasyon lanmò pè fontatè nasyon ayisyèn nan Jean Jacques Dessalines, gwo manifestasyon tap dewoule atravè peyi a kote manifestan yo tap voye toya sou adminstrasyon Moise/Ceant an epi mande yon ankèt serye sou fason dirijan avan yo te depanse lajan Petro Caribe a.
Prezidan an, nan mesaj sikonstans 17 oktòb li a nan Manchan fè konnen pwosè sou dilapidasyon fon Petro Caribe a ap fèt kanmèm. s