Accessibility links

Breaking News

Manifestasyon Dewoule nan Plizyè Vil ann Ayiti Pandan Wikenn nan sou Dosye Petro Caribe a


Manifestan Pòtoprens kap reklame yon ankèt sou jesyon fon Petro Caribe a. Foto: REUTERS/Jeanty. 2 septanm 2018
Nan pòtoprens ak lòt vil pwovens popilasyon an te pran lari a pou mande responsab gouvènman pase yo bay eksplikasyon sou fason yo te depanse fon petro Caribe a swa 3 milya 800 milyon dola Venezuela te prete Ayiti pou pwojè devlopman.
Korespondan Lavwadlamerik nan Jeremi, Luckner lageurre rapòte popilasyon te pote presizyon kote yo kwè te gen gaspiyaj.
Popilasyon nan vil Hench manifeste tou pou mande yon ankèt serye sou itilizasyon fon an. Korespondan Lavwadlamerik Josue Joseph rapòte manifestasyon te dewoule nan Plato Santral san ensidan.
Malgre kèk ansyen ho fonksyonè leta di yo anfavè yon ankèt pou fè limyè sou depans fon Petro Caribe a sa apa anpeche amnifestasyon yo kontinye.
Nan kapital ayisyèn nan korespondan VOA Matiado Vilmé rapòte, wòch ak kawotchou ki tap boule nan manifestasyon yo te oblije lapolis entèvni pou anpeche manifestan yo franchi kèk pakou. Inite espesyalize PNH la te depeche sou lè lye pou gaye manofestan yo.

Premye Minis ratifye a Jean Henry Ceant, nan diskou li devan paman an sou politik jeneral li, pwomèt pou fè limyè sou dosye Petro Caribe a

XS
SM
MD
LG