Accessibility links

Breaking News

Pakistan: Premye Minis la Parèt Devan Kou Siprèm Paske li ta Manke Tribinal la Dega


Premye Minis Yusuf Gilani konparèt devan Kou Siprèm nan pou l reponn akizasyon deske li ta komèt sa yo rele «injure à la Court », kòmkwa li ta manke tribinal la dega

Nan peyi Pakistan, Premye Minis Yusuf Gilani konparèt devan Kou Siprèm nan pou l reponn akizasyon deske li ta komèt sa yo rele «injure à la Court », kòmkwa li ta manke tribinal la dega.

Misye Gilani te rive nan lokal Kou Siprèm nan anba gwo dispozitif sekirite, pou l te defann desizyon gouvènman-n-nan pran pou l mande otorite Laswis yo pou yo re-ouvè yon pwosè yo t ap fè kont prezidan pakistanè a, Asif Ali Zardari, sou akizasoyn deske misye ta mele nan koripsyon.

Chèf gouvènman pakistanè a pale pou l di Prezidan Zardari, an tan ke Chèf deta, tonbe anba akizasyon deske li te komèt zak korispyon nan kèk tranzaksyon ki remonte jiska nan ane 90 yo.

Minis enteryè pakistanè a, Rehman Malik, te konparèt devan tribinal la tou ansanm avèk premye minis Gilani, e ki te pran lapawòl nan lang Ourdou pou l defann chèf gouvènman an.

Minis enteryè pakistanè a di: “Nou mete nou a la dispozisyon tribinal la paske nou genyen admirasyon pou travay lap fè e paske nou gen respè pou sa li reprezante. Mwen panse jès Premye-minis la poze la a se yon jès ki merite respè tou."

Mèkredi 18 janvye 2012 la youn nan avoka k ap defann Premye Minis Gilani yo, te fè kou siprèm nan konnen kliyan li a pa koupab pou akizasyon k ap peze sou do l la –sètadi, premye-minis la pa poze okenn aksyon ki ta montre li manke tribinal la dega. Jij yo pran desizyon pou yo ranvwaye rès pwosè a pou kòmansman mwa fevriye a.

XS
SM
MD
LG