Gouvènman an arete nan Pakistan, 5 sitwayen peyi a ki t ap travay kòm ajan enfòmatè pou sèvis sekrè ameriken an (CIA) avan atak ki te touye lidè rezo al-Kaida a, Osama bin Laden.
Ajans nouvèl oksidantal yo konfime mèkredi 15 jen an enfòmasyon sou aksyon gouvènman pakistanè a --enfòmasyon ki parèt nan jounal ameriken The New York Times.
Daprè jounal la, responsab wo plase sèvis ransèyman pakistanè arete enfòmatè yo apre operasyon lame amerikèn te lanse nan dat 2 Me 2011pase a nan vil Abbotabad, nan Pakistan, kote bin Laden te kache.
Pami moun yo arete yo genyen yon majò Lame peyi a ki te anrejistre nimewo plak tout machin ki te vizite kay kote Bin Laden t ap viv la. Moun poko konnen kisa ki pral rive prevni sa yo.