Accessibility links

Breaking News

Ozetazini, Prezidan Obama Envite Demokrat ak Repibliken Kontinye Travay Ansanm


Ozetazini, Prezidan Obama Envite Demokrat ak Repibliken Kontinye Travay Ansanm

Prezidan ameriken an, Barack Obama, ranpòte plizyè viktwa politik, nan moman anpil obsèvatè te gen dout ke li ta pral kapab rebondi tousuit apre gwo defèt Pati Demokrat la (pati misye Obama a) te sibi nan eleksyon mi-manda 2 novanm pase a.

Mèkredi 22 desanm 2010 la, lidè ameriken an di laprès li aprann yon leson nan dènye vòt ki te fèt pou pèp la te chwazi nouvo manm Kongrè a ak reziulta yo bay.

Prezidan Obama di: "Si gen yon leson kèlkonk nou ka tire nan kèk semèn ki sot pase yo, sè ke nou pa kondane pou n bloke nèt ale, san nou pa ka jwenn rezilta. Depi eleksyon novanm yo, nou demontre ke nou gen kapasite non selman pou nou fè pwogrè, men tou pou nou pwogrese ansanm (Demokrat ansanm ak Repibliken)."

Lidè ameriken an te pwofite pou l voye yon mesaj bay tout militè ameriken ki sou lè drapo pandan sezon fèt fen dane a. Prezidan Obama di li vle voye yon mesaj bay tou Ameriken sa yo k ap pase Nwèl la sou chand batay pou yo sèvi nasyon nou an: "Tankou m te di l nan Afghanistan pi bonè mwa sa a, tout pèp ameriken an rete uni pou l manifeste apui li ak admirasyon-n pou nou tout. "

Prezidan Barack Obama fè deklarasyon sa yo mekredi 22 desanm 2010 la nan yon rankont ak yon gwoup jounalis, isit Washington, anvan li te kite kapital la pou l al pase kèk jou vakans nan Eta Hawayi, ansanm ak manm fanmi prezidansyèl la.

XS
SM
MD
LG