Accessibility links

Breaking News

Ayiti-Eskandal OXFAM-Dènye Nouvèl : Gouvènman an Mete Manm Oganizasyon an Deyò


Yon senbòl OXFAM ki te sèvi pou montre yon anplasman kote òganizasyon an te konn distribye dlo nan zòn Koray, yon kan pou moun deplase ann Ayiti apre tranblemanntè janvye 2010 la. Kan sa a te sitiye nan antre kapital la, Pòtoprens. (Foto: 17 fevriye 2018. REUTERS/Andres Martinez Casares)

Ann Ayiti, gouvènman Moise-Lafontant pran desizyon pou l entèdi an pèmanans òganizasyon charite britanik OXFAM opere nan peyi a, aprè nouvèl te parèt pou di kèk manm òganizasyon an te komèt mevèz konduit seksyèl aprè tranblemanntè janvye 2010 la. Otorite yo pran desizyon sa a aprè yo te pase plizyè mwa ap mennen ankèt sou akizasyon an.

Nan yon deklarasyon gouvènman an pibliye nan jounen mèkredi 13 jen 2018 la nan Pòtoprens, li anonse li anile tit ajans charite entènasyonal la kòm yon òganizasyon non-gouvènmantal (swa yon ONG) poutèt li vyole lalwa ayisyèn ak prensip ki reji diyite kretyen-vivan.

Minis Planifikasyon ak Kowoperasyonn Ekstèn Peyi d Ayiti, Aviol Fleurant (mitan, kravat wouj) ki t ap fè jès pandan li t ap pale nan yon konferans poulaprès sou desizyon gouvènman an pran kòm solisyon pou eskandal òganizasyon charite britanik Oxfam. Adwat: Minis Enfòmasyon ak Kilti ayisyen an, Joseph Guylère C. Delva. (Foto: Pòtoprens, Ayiti, 13 jen 2018).
Minis Planifikasyon ak Kowoperasyonn Ekstèn Peyi d Ayiti, Aviol Fleurant (mitan, kravat wouj) ki t ap fè jès pandan li t ap pale nan yon konferans poulaprès sou desizyon gouvènman an pran kòm solisyon pou eskandal òganizasyon charite britanik Oxfam. Adwat: Minis Enfòmasyon ak Kilti ayisyen an, Joseph Guylère C. Delva. (Foto: Pòtoprens, Ayiti, 13 jen 2018).

Aprè eskandal la te pete, 4 manm pèsonèl OXFAM te jwenn revokasyon yo pou movèz konduit malouk, epi direktè rejyonal OXFAM nan pou Ayiti, Roland Van Hauwermeiren, avèk 2 lòt anplwaye te jwenn envitasyon pou yo bay demisyon yo.

XS
SM
MD
LG