Otorite nan peyi Jamayik fè konnen ke otorite ayisyen yo pa t kapab soumèt prèv konvenkan ki montre ke Kolonbyen an Palacios te patisipe nan zak asasinay Prezidan Jovenel Moïse, se rezon sa otorite Jamayik yo bay ki fè ekstradisyon Palacios pa posib an Ayiti.
Ansyen minis afè etranjè Claude Joseph te eksprime mekontantman li ak gouvènman aktyèl la, sou kont twitter kote li pibliye mesaj sila: " Yo pap transfere Mario Antonio Palacios nan Pòtoprens e yo pral depòte l nan Kolonbi 3 janvye. Gouvènman ayisyen an pa bay ase prèv pou te prouve patisipasyon mèsenè a nan asasina Prezidan Jovenel Moïse".