Accessibility links

Breaking News

Lèzetazini Anonse Nouvo Sanksyon pou Plis Otorite nan Nikaragwa


Prezidan nikaragweyen an, Daniel Ortega, ak Vis Prezidan an, Rosario Murillo, ki se an menm tan Premyè Dam peyi a. (Foto: Achiv).

Lèzetazini deside, madi 27 novanm 2018 la, frape Nigaragwa byen fò ankò ak kèk nouvo sanksyon ki pral peze sou do vis prezidan an ki se an menm tan Première Dam peyi a, Rosario Murillo.

Minis trezò ameriken an, Steven Mnuchin, ki t ap abòde dosye a imedyatman aprè gouvènman Lèzetazini an te anonse sanksyon yo, deklare:

"Administrayon nou an pran angajman pou l kenbe rejim Ortega a kòm responsab pwotestasyon vyolan ki dewoule nan peyi a ak koripsyon ki gaye tout patou nan sen gouvènman nikaragweyen an; pwotestasyon ak koripsyon ki deja lakoz lanmò plizyè santèn nikaragweyen inosan e ki fin depafini ekonomi peyi a."

Yon lòt ofisyèl ki tonbe anba sanksyon yo, se Minis Sekirite Nasyonal la nan gouvènman Ortega a, Nestor Moncada. Okenn sitwayen ameriken pa gen dwa fè biznis ak moun ki tonbe anba sanksyon yo e administrasyon Trump la jele tout avwa ofisyel nikaragweyen konsène yo ki nan bank ameriken ou ki sou tèritwa Lèzetazini an.

XS
SM
MD
LG