Accessibility links

Breaking News

Opinyon Sekretè Deta Clinton Sou Elektoral la ann Ayiti


Opinyon Sekretè Deta Clinton Sou Elektoral la ann Ayiti

Sekretè Deta ameriken Hillary Clinton fè konnen gouvènman ayisyen an dwe fè plis efò toujou pou l ede rezoud kriz politik peyi Dayiti ap travèse akoz eleksyon prezidansyèl konteste yo.

Madan Clinton --ki t ap pale lendi 13 desanm nan, di yon gwo senatè ameriken, Patrick Leahy (Demokrat Eta Vermont) mande pou gouvènman ameriken an jele èd ki pral jwenn Ayiti, e sa, daprè chèf diplomasi amerikèn nan-- se yon gwo siyal kòmkwa Lèzétazini atann li aske gouvènman ayisyen an mete plis devouman nan rechèch yon solisyon pou kriz la.

Sekretè Deta Clinton fè deklarasyon sa a nan vil Wakefield, o Kebèk, Kanada, kote li t ap rankontre tokay meksiken e kanadyen li.

Senatè Leahy mande tou pou Administrasyon Obama a pa bay okenn gwo responsab ayisyen viza pou yo antre isit Ozetazini toutotan yo pa chache rezoud pwoblèm ki lye ak eleksyon prezidansyèl yo.

XS
SM
MD
LG