Yon avyon komesyal ki tap vole nan espas ayeryen Washington Dimanch apremidi e ki pa reponn kominikasyon otorite ayeryen yo fè aksidan nan eta Vijini apre avyon militè te kouri al pousuiv li.
Avyon militè yo te lage yon detonasyon sipèsonik ke moun toupatou nan kapital la te tande.
Kèk hè pi ta, lapolis te fè konnen sekouris yo te rive nan zon kote avyon an tonbe, e pa gen okenn sivivan.
Administrasyon Federal Aviyasyon an di ti avyon Cessna Citation nan te dekole nan Elizabethton, eta Tennessee Dimanch e li tapral nan ayeropo MacArthur nan Long Island.
San eksplikasyon avyon an te vire lè l te rive Long Island epi pran direksyon Washington, anvan li te tonbe nan zon Montebello, eta Vijini ve 330 nan apremidi. Zon sa a se yon zon ki gen morn.
