Accessibility links

Breaking News

Senatè Ameriken Eta Arizona, e Ewo Lagè Vyetnam, John McCain, Mouri; Li te Gen 81 Lane


Senatè John Mc Cain

Senatè John McCain, ki te brave kidnapè li yo, sètadi moun ki te kenbe li ann otaj nan yon kan prizonye lagè nan peyi Vyetnam te tounen ekperyans militè sa a an karyè politik nan Kongrè Ameriken an. Senatè McCain te jwenn nominasyon l kòm kandida ofisyèl pou reprezante pati Repibliken an nan eleksyon prezidansyèl 2008 yo.

Senatè McCain mouri samdi suit ak yon kansè nan sèvo li. Li tap lite kont maladi sa a depi plis pase yon lane.

Pitit fi defen Senatè a, Meghan McCain fè sòti yon nòt pou laprès kote li di, " Mwen te kanpe ak papam menm jan li te kanpe avèm depi lèm te fèt e mwen te bò kote l jiskaske li ran dènye soupi li anba batay li tap mennen kont maladi kansè nan sèvo a." Nan yon tweet Meghan McCain voye, li montre afeksyon li genyen pou papa l, senatè e veteran lagè Vyetnam nan, kote li di: "Mwen renmen w pou tout tan papa cheri m nan."

Prezidan Etazini an Donald Trump prezante kondoleyans li ak respè bay fanmi Senatè John McCain nan yon mesaj sou kont Twitter li tou suit aprè anons lanmò senatè Repibliken an.

Kèk mwa aprè diagnostik te montre yon kansè nan sèvo Senatè McCain, li te di ann oktòb, “Nou beni, e an retou nou se yon benediksyon pou limanite."

Yon koudèy sou lavi Senate John McCain:

John Sidney McCain te yon pilot nan kò davyasyon lame Amerikèn, American Navy. Pandan lagè Vyetnam 1967, li tap pilote yon avyon bonbadman ke lame vyetnamiz te desann anba kout zam. Pilòt ameriken an pat mouri ,men vyetnamiz yo te pran li ann otaj kote li te tounen yon prizonye lagè e li pase anpil mizè pandan 5 kan.

Kòm prizonye lagè, John McCain te sibi anpil move tretman, tankou tòti ak pase plizyè jou san manje jiskaske li te deplwaye taktik li pou l te chape poul li anba men militè Vyetnam yo. Men move eksperyans sa a te kite li ak kèk domaj nan kò li pou tout rès vi l.

Ni Repibliken ni Demokrat te apresye Senatè McCain pou kouraj li, detèminasyon l ak fidelite l nan batay pou defann sa li kwè ki bon pou Lèzetazini. Tankou Allan Lichtman, pwofesè listwa nan Inivèsite Ameriken, American University, di li, " John McCain te konn fè tout sal kapab pou rive travay ak senatè nan tou 2 pati yo sou refòm nan lwa sou imigrasyon ak finansman kanpay elektoral.

XS
SM
MD
LG