Isit Ozetazini , Prezidan Barack Obama deklare, li pa konsidere tèt li kòm favori pou ranpòte eleksyon prezidansyèl 2012 yo.
Prezidan Obama pale konsa nan yon entèvyou televise kote l presize, kriz ekonomik la fè l tounen yon kandida konsa-konsa , sa vle di yon kandida ki pa favori nan moman l ap fè demanch pou l wè si l ta jwenn yon 2èm manda nan tèt peyi a.
Pandan chèf Mezon Blanch la t ap pale ak jounalis ABC George Stephanopoulos, li presize li pa kwè pi fò ameriken pi byen ekonomikman sa gen 4 tran avan li te eli kòm prezidan.
Sepandan, pandan ke prezidan Obama dakò pou di to chomaj ki 9,1 toujou twò wo, men defann politik ekonomik gouvènman l ki fè pwogrè nan plan pou estabilize ekonomi an.
Prezidan Obama kontinye ap egzòte lidè nan Kongrè a pou yo vote plan 447 milyad dola ki vize kreye plis djòb nan peyi a .
Palmantè repibliken yo deklare pa gen anpil posibilite pou yo vote plan sa a jan l ye a , nan totalitel .
Jounalis George Stephanopoulos te reyalize entèvyou sa a ak prezidan ameriken an Barack Obama pou chèn televizyon ABC ak sit entènèt Yahoo!