Accessibility links

Prezidan Obama Abòde Dosye Defisi Federal La

  • Coralie Saint-Louis

Prezidan Ameriken an Barack Obama

Nan jounen lendi 29 novanm 2010 la, prezidan ameriken an, Barack Obama, pale nan Washington kote li abòde dosye defisi federal la.

Prezidan ameriken an di: "Verite ki du a, sè ke, travay ki neseè pou n mete kontwòl sou defisi sa a, se yon travay ki pral mande kèk sakrifis sevè e anplwaye gouvènman federal la pral genyen pou yo pataje sakrifis sa yo. Apre tou, si ti-biznis yo ak fanmi amerikèn yo oblije mare senti yo sere, fòk gouvènman an fè menm bagay la."

Se konsa Prezidan Obama lanse lide pou otorite k ap jere finans Lèzetazini yo jele nivo lajan anplwaye Leta federal yo ap touche pou yo pa jwenn pyès opgmantasyon nan kad efò gouvènman an ap deplwaye pou l ekonomize plizyè milya dola nan ane k ap vini la yo.

Konsa, anplwaye yo ka pa jwenn ane sa a ogmantasyon otomatik yo toujou resevwa chak fwa ane a chanje, kòm konpansasyon pou ogmantasyon pri lavi a ak enflasyon. Sèl gwoup pami anplwaye federal yo ki egzan, se manm aktif Fòs Zame Lèzetazini yo.

XS
SM
MD
LG