Accessibility links

Breaking News

O Meksik, Minis Enteryè a Demisyone


O Meksik, Prezidan Felipe Calderon anonse demisyon minis enteryè l la, Fernando Gomez Mont. Prezidan Calderon presize mèkredi 14 jiyè a, se ansyen palmantè José Francisco Blake, yon ofisyèl nan eta Baja California , k ap ranplase mesye Gomez Mont.

Yon lòt kote, responsab ameriken yo di plizyè milye gwo kamyon ameriken e meksiken k ap transpòte pwovizyon sou fwontyè 2 peyi yo fè yon kanpe akoz gwo inondasyon ki bloke yon wout enpòtan pou komès k ap fèt ant de peyi yo. Daprè responsab yo, siklòn Alex ak pakèt lavalas lapli ki tonbe nan rejyon nò Meksik pwovoke inondasyon ki fèt nan semèn nan. Dlo anvayi wout, pon ak lòt enfrastrikti nan rejyon an e genyen nan yo ki kraze nèt. Omwen 11 mil gwo kamyon kanpe e konpayi yo espere yo pap rekòmanse travay pazavan vandredi 16 jiyè a.

XS
SM
MD
LG