Accessibility links

Gwatemala: Ansyen Prezidan Efraim Rios Montt Kapab Jije pou Asasina Plizyè Moun

  • VOA Nouvèl

Ansyen diktatè Efrain Rios Montt

Yon jij nan Gwatemala pibliye yon deklarasyon ki di gen ase prèv pou yo jije ansyen diktatè Efrain Rios Montt sou akizasyon kòmkwa li te komèt asasina pa bann e pa pakèt pandan l te sou pouvwa a ant 1982 e 1983.

Jij la pran desizyon an jedi 26 janvye a nan Vil Guatemala kote Misye Montt ta dwe konparèt devan la jistis pou responsabilite li nan asasinay plizyè milye endijèn nan vilaj yo.

Asasinay sa yo ta fè pati yon operasyon kont rebèl gochis yo pandan gè sivil ki te dire 36 zan e ki te fini an 1996. Kounye a lajistis plase Efrain Rios Montt an rezidans siveye.

XS
SM
MD
LG