"Barikad ap anpeche kamyon yo livre petwòl, e sa kreye obstak pou moun kap bay sevis esansyèl yo. Sa anpeche popilasyon an gen aksè ak anplwaye oganizasyon umanitè yo," Misye deklare.
Lopital ak sant medikal yo sibi konsekans pi sevè yo.
"Nan Potoprens ak lòt vil yo, lopital yo fe konnen yo prèske pa gen rezèv gaz ankò ke yo bezwen pou jeneratris ki pemèt yo bay sèvis ki ka sove lavi pasyan yo.
Gen 2 lopital nan kapital la ki pral oblije sispann sèvis pou 300 timoun ak 45 fanm ansent epi 70 lòt pasyan ki nan kondisyon grav si yo pa resevwa gaz disi demen Madi a," pòt pawòl la fè konnen.
"Nou lanse apèl bay tout moun ki gen enfliyans sou sityasyon aktyèl la pou yo fè yon jan pou asire pwodui petwolye yo kapab rive jwenn lopital yo epi pou retabli aksè ak asistans umanitè pou viktim tranbleman tè yo nan sidwès la.