Sekrete-Jeneral Nasyonzuni, Antonio Guterres fe konnen Lendi "le mond ap veye" Afghanistan pandan jou enpotan sa yo, nan moman li lanse apel bay Taliban an pou'l "mete dlo nan diven li" epi pwoteje lavi sitwayen Afghan yo e pemet asistans umanite rive jwenn moun ki nan bezwen.
"Nou paka e nou pata dwe abandone pep Afghanistan an," Guterres deklare pandan yon rankon dujans Konsey Sekirite Nasyonzuni an oganize, yon jou apre gouvenman Prezidan Ashraf Ghani a echwe devan Taliban.
Yon afe 18 milyon moun - kidonk mwatye popilasyon an - te bezwen asistans umanite anvan sityasyon an te vinn degringole. Kounyea moun pe pou yon pi gwo katastwof pa rive.
"Prezans Nasyonzuni pral adapte a sekirite a," Guterres pwomet. "Men sa ki pi enpotan an, nou pral rete nan peyi a pou nou ka bay pep Afghan an sipo nan moman kote yo bezwen'l."
Chef LONU an di tou, ke fok Taliban an pwoteje "dwa fanm ak ti fi Afghanistan ke yo travay du pou atenn" e li souliyen fok peyi a pa finn tounen yon paradi ni yon platfom pou teworis.
Nasyonzuni eksprime tou ke sote li genyen pou timoun yo. Yon nouvo rapo fe konnen kantite timoun ki pedi bra ak pye pandan premye 6 mwa ane a te atenn nivo pi wo yo janm konstate nan listwa peyi a.
Anbasade Afghanistan, ki monte nan pos li mwa pase a selman, lanse apel bay kominote entenasyonal la pou'l pa pedi tan blame moun, men pito egzije pou batay yo sispann pou pemet peyi vwazen yo kenbe frontye yo ouve pou ede moun kap kouri kite peyi a. Li mande tou etablisman yon "korido umen" pou evakye moun ki riske fe fas ak zak revanj Taliban an.
