Accessibility links

Breaking News

Nan Washington, yon Dènye Omaj pou Madeleine Albright


Sekey ansyen sekrete d'eta Madeleine Albright devan Katedral Nasyonal Washington nan apre fineray li, Mekredi 27 Avril 2022.


Lide ki soti toupatou nan mond lan rann yon dènye omaj a Madeleine Albright, premye fanm ki monte nan pos Sekretè d'Eta peyi Etazini.

Albright te vinn viv Ozetazini le li te timoun piti, apre fanmi ni te kouri kite Ewop pandan lagè Nazi yo.

Prezidan Joe Biden ak predesesè li yo Barack Obama epi Bill Clinton, prezidan ki tenomen Albright kom diplomat pi wo plase Etazini, ansanm ak 1,400 envite te rasanble nan Katedral Nasyonal Washington nan.

"Jodia, nap rann omaj a yon Ameriken chaje ak fyete ki te feènou tout pi fyè pou'n Ameriken," Prezidan Biden deklare. "Mwen vle akeyi tout envite distenge ak diyite ki vwayaje soti toupatou nanmond lan pou selebre pitit fi Repiblik Tchek la. Yo konnen kisa savledi le yon moun siviv lageèepi kouri pou pèsekisyon."

"Li te fè nou ri. Li te fè nou kriye. Li te konn fache kèk nan nou," ansyen Prezidan Bill Clinton fè sonje. "Men li te viv byen paske li te konnen sa li kwè. Li te konnen sa li tap defann. Li te konnen sa li te opoze. E li te vle pou lot moun santi menm jan an epi pale youn ak lot olye yap chache touye opozan yo. Sete yon filozofi politik ki senp."

Ansyen sekretè d'eta Hillary Clinton te bon zanmi Albright.

"Nou te rankonre nan ane 80 yo pandan yon evenman charite pou Fon pou Defans Timoun yo isit Washington," Madan Clinton deklare. " Li te prezante tet li kom gradye Wellesley College - menm jan avè'm, e se la amitye nou komanse. Nou te bay tet nou ti non jwèt 59 ak 69. Li te 10 zan pi aje pase'm nan Inivesite men nan kek domen sete tankou yon syèk de diferans. "

Li admèt se limenm ki te vinn ak ide pou nomen Albright kom sekretè d'eta.

"Gen moun ki di mwen te ankouraje mari'm nomen li kom premye sekretè d'eta fanm peyi a. Se vre! E mwen te kontan li te dako avè'm," Madan Clinton di.

Ansyen sekretè d'eta a rakonte tou kèk istwa komik sou jan Albright te renmen danse.

"Wi se vre , li te aprann minis afè etranjè Botswana danse Macarena. Nan yon rankont Konsey Sekirite LONU li te pati bone anbachal pou'l al danse Tango nan Buenos Aire," Madan Clinton deklare. " Li te menm resevwa envitasyon poul patisipe nan konpetisyon dans Dancing With the Stars apre li te danse ak tout ke li nan resepsyon maryaj Chelsea, e fok mwen di nou sete ak yon bel gason ki te bokou pi jen pase'l."

Albright mouri ak maladi kanse mwa pase a a laj de 84 an. Lide toupatou nan mond lan te prezante konddoleyans yo epi chante lwanj li antanke defansè demokrasi ak dwa moun.

XS
SM
MD
LG