Accessibility links

Breaking News

Nan COP26, Peyi Sou Devlope yo Mande Aksyon, Pa Pawòl


John Kerry, Anvwaye Espesyal Prezidansyel Etazuni pou Chanjman Klimatik nan rankont COP26 la, 12 Nov. 2021.

Negosyatè k ap asiste rankont o some Nasyonzuni sou chanjman klimatik la nan vil Glasgow nan peyi Ekòs jodi Vandredi a - te sanble komanse ekate yo ak yon apèl ki lanse pou sispann sèvi ak enèji a baz chabon epi petwòl konpletman. Sepandan yo bay peyi sou devlope yo espwa deske yap jwenn sipo finansye pou fe fas ak chanjman klimatik.

Yon plan ki te diskite pi bone nan semenn nan te mande tout peyi akselere pwosesis pou sispann depann de 2 typ eneji sa yo.

Anvwaye espesyal Etazuni pou Chanjman Klimatik, John Kerry di Washington apiye sak nan nouvo pwoje deklarasyon an.

" Pou evite pi move konsekans kriz klimatik la fok nou aji kounyea. Donk sou kestyon atenuasyon an, nou kwe ke dapre ako Paris a, ki baze sou lot rankont COP yo li esansyel pou nou prezeve teks atenuasyon an. Nou paka febli'l. Nou paka fe mach ann arye," Misye Kerry deklare.

Men negosyatè yo ap redi pou jwenn yon konsansus ant preske 200 nasyon - anpil pami yo vilnerab - ki di pwogrè yo wè a lan, e ki mande pou bagay yo fèt pi vit.

Seve Paeniu se minis finans zile Tuvalu ki sitye nan Oseyan Pasifik la.

"Nou ankouraje tout moun pase a l'aksyon kounyea. Se yon kestyon lavi ak lanmo pou nou. E nou sipliye nou pou Glasgow reprezante yon moman egzanple. Nou paka echwe," li deklare.

Philip Davis, Premye Minis Bahamas di peyi li ap fe fas ak sikonstans terib.

"Si nou gen chans nap tounen refije, men si nou pa gen chans, nivo lanme a kap ogmante pi plis chak jou pral vale nou e nap fe fas ak plis tanpet entans," premye minis la di. Li ajoute, ala fen se atitud lide yo ki konte.

Pandansetan, manifestan yo kontinye pran lari pou mande plis aksyon. Pami manifestan ki te kanpe bo barye a kote rankont COP26 la tap dewoule jodi Vandredi a te gen plizye gwoup.

Mitzi Jonelle Tan se yon militan ki soti Filipinn.

12. SOUNDBITE (English) (up-sound) Mitzi Jonelle Tan, climate activist from the Philippines:

"Sa ki pi fe'm pe se kisak pral pase kounyea. Tout teks yo di gen ant 5 ak 10 zan pou bagay sa yo reyalize. Chak mwad Novanm ak Desanm gen gwo siklonn ki frape peyi'm. Kisak pral pase le sa rive? Kisak pral pase nan mwa kap vini yo? Poukisa nap pale de 5 a 10 zan le kriz klimatik la devan nou jodia??" li mande.

Gen yon gwoup manifestan ki te degize ak mask ki reprezante Prezidan Joe Biden ak plizye konpayi petwol. Gen lot ki te abiye tankou Viking Norvejyen e ki te pran chante chanson folklorik.

Enfomasyon pou repotaj sa a soti nan Associated Press

XS
SM
MD
LG