Accessibility links

Bouyon Boul La Ap Kontinye ann Afrik di Sid

  • Jacquelin Belizaire Coralie Saint-Louis
  • Coralie Saint-Louis

Michael Bradley ap make yon gòl pou etazini nan match Etazini ak Sloveni an

Mondyal 2010 Afrik di Sid, Johannesburg: Nan Gwoup B a, Ajantin kalifye pou 16èm final yo apre yon viktwa 4-1 sou Kore di Sid. Toujou nan Gwoup B a, Lagrès kale Nijerya 2-1. Gwo sansasyon jounen an sòti nan Gwoup A a ak viktwa 2-0 ekip Meksiken an sou peyi Lafrans: yon gwo desepsyon pou nèg an ble yo ak tout antrenè yo Raymond Domenech. Laprès fransèz konsidere defèt sa a kòm yon imilyasyon. Epi Urugwe imilye peyi oganizatè a, Afrik di Sid, ak yon rakle 3-0.

Bagay yo mele ... e anpil gwo tèt kapab tonbe. Vandredi 18 jen 2010 la, nan Gwoup D a, seleksyon nasyonal Sloveni a kreye siprann tout moun lè l kale youn nan gran favori konpetisyon an, Almay, 1-0. Nan gwoup C a, anpil sansasyon ak rebondisman! Match nil 2-2 ant Etazini ak La Sloveni, alòske Sloveni tap mennen 2-0 sou seleksyon ameriken an. Donovan, nan 48e minit jwèt la ak Micheal Bradley nan 82e minit de je ″remete pandil yo alè″. Sepandan, sa ki pral lakòz anpil komantè se gòl Etazini abit la anile pou « hors jeu », yon Hors jeu ki , nan je pa nou, pa klè.

Epi dènye rankont jounen an ap mete fas pou fas nan Gwoup C a , Angletè kont Aljeri. (tcheken pita pou rezilta)

XS
SM
MD
LG